Interi ka marrë një lajm shumë të keq pas humbjes ndaj Club Brugge. Lautaro Martinez ka pësuar një dëmtim muskulor në kofshën e majtë dhe pritet të qëndrojë jashtë fushave për rreth një muaj e gjysmë.
Kapiteni zikaltër, i cili shënoi dy gola në sfidën e Champions League ndaj belgëve, ka pësuar një tërheqje në muskujt fleksorë të kofshës së majtë.
Objektivi për rikthimin është ndeshja Atalanta-Inter e 22 nëntorit, edhe pse kjo datë nuk konsiderohet ende e sigurt.
Mungesa e Lautaros do të rëndojë jo pak te skuadra e Cristian Chivut, pasi argjentinasi pritet të humbasë disa sfida shumë të rëndësishme në Serie A dhe Champions League.
Në kampionat ai do të mungojë ndaj Bolognas, Fiorentinës, Venezias, Milanit dhe Comos, ndërsa në Champions League nuk do të jetë në dispozicion ndaj Shakhtar Donetsk dhe Feyenoord. Ai konsiderohet gjithashtu në dyshim edhe për sfidën e radhës ndaj Stuttgartit.
Ndeshjet që Lautaro pritet të humbasë:
- Bologna-Inter, 17 tetor
- Inter-Shakhtar Donetsk, 21 tetor
- Inter-Fiorentina, 25 tetor
- Venezia-Inter, 28 tetor
- Milan-Inter, 31 tetor
- Feyenoord-Inter, 3 nëntor
- Inter-Como, 8 nëntor
Një mungesë e rëndë për Interin në një moment ku kalendari bëhet gjithnjë e më i ngjeshur.
