Thomas Tuchel ka vlerësuar maksimalisht Harry Kane, duke pranuar se Anglia nuk do ta ketë të lehtë të gjejë një pasues të denjë për sulmuesin e Bayern Munich.
Kane realizoi golin e tij të 87-të me kombëtaren në fitoren ndaj Republikës Çeke, duke zgjeruar edhe më shumë rekordin e tij si golashënuesi më i mirë në historinë e Anglisë.
“Nuk do të gjeni një tjetër Harry Kane. Ai është i pari që ushtron presion dhe ka një mentalitet të jashtëzakonshëm. Përveç aftësive në finalizim, është bërë edhe një sulmues që punon shumë. Është një paketë e kompletuar”, deklaroi Tuchel.
Trajneri gjerman pranoi se Anglia po kërkon alternativa të ndryshme për të ardhmen, ndërsa në ndeshjen e fundit aktivizoi Jude Bellingham si sulmues të avancuar pas zëvendësimit të Kane.
Tuchel shtoi se e pëlqen Bellinghamin në rolin e numrit 9 ose 10, pasi mesfushori i Real Madridit ka instinkt për golin dhe dëshirën për të qenë vendimtar në zonën kundërshtare.
Kane, 33 vjeç, është gjithashtu vetëm dy ndeshje larg rekordit prej 125 paraqitjesh me Anglinë, që mbahet nga Peter Shilton.
