Zinedine Zidane e ka nisur në mënyrën më të mirë aventurën në stolin e Francës, duke regjistruar dy fitore në dy ndeshjet e para, pa pësuar asnjë gol.
Pas triumfit ndaj Turqisë, Franca mposhti edhe Belgjikën, pavarësisht se Zidane ndryshoi nëntë lojtarë në formacion. Paraqitjet e skuadrës kanë marrë vlerësime të larta nga mediat franceze, ndërsa “L’Equipe” i dha trajnerit notën 8 për paraqitjen ndaj belgëve.
Një tjetër detaj që ka tërhequr vëmendjen është paga e tij. Zidane ka pranuar të njëjtën pagë bazë që përfitonte Didier Deschamps, rreth 300 mijë euro bruto në muaj, ose 3.6 milionë euro në sezon, pa përfshirë bonuset.
Sipas raportimeve, ish-trajneri i Real Madridit nuk ka bërë kërkesa të veçanta financiare dhe madje ka hequr dorë edhe nga disa të ardhura të lidhura me të drejtat e imazhit.
Entuziazmi në Francë është i madh, ndërsa prova e radhës për Zidane do të jetë përballja me Italinë e Roberto Mancinit.
