Joan Laporta ka zbuluar prapaskenat e tentativës së Barcelonës për të transferuar Lautaro Martínezin gjatë merkatos së verës.
Pas vështirësive për Julián Álvarez, katalanasit e kthyen vëmendjen te kapiteni i Interit. Laporta kontaktoi drejtpërdrejt presidentin zikaltër Beppe Marotta, por përgjigjja ishte e prerë: Lautaro nuk ishte në shitje.
“Është një lojtar i jashtëzakonshëm dhe nuk donim ta humbnim. Telefonova Marottën, por ai më tha se lojtari nuk ishte në shitje. Nga respekti për të dhe për Interin, ne u tërhoqëm”, deklaroi Laporta.
Vetë Lautaro konfirmoi më vonë se interesimi i Barcelonës ishte real, por theksoi se kishte vendosur të vazhdonte me Interin.
Sulmuesi argjentinas mbetet një nga figurat kryesore të zikaltërve, ndërsa Barcelona u detyrua të kërkonte zgjidhje të tjera për repartin ofensiv.
