Te Manchester City kanë filluar të pajtohen me idenë e largimit të pashmangshëm të kapitenit të tyre, Kevin De Bruyne, për shkak të problemeve fizike me të cilat është përballur belgu sezonet e fundit, por dhe mosha nuk e favorizon më.
“Ai është një lojtar kyç për ne, por vazhdimësia e tij do të varet nga shumë faktorë”, tha Guardiola, duke lënë të kuptohet se klubi tashmë po punon për një zëvendësim të nivelit të lartë.
Siç bëhet e ditur, Pep Guardiola ka piketuar si zëvendësues të De Bruyne yllin anglez të Real Madrid-it, Jude Bellingham. Trajneri katalanas ka shprehur disa herë admirimin e tij për anglezin, duke treguar dëshirën e madhe për ta pasur atë në ekip.
Megjithatë, siç raportohet nga Defensa Central, Real Madrid nuk është i gatshëm të pranojë oferta për yllin e tyre. Bellingham nga ana e tij nuk po mendon të largohet nga “Santiago Bernabeu”, ku është kthyer në një shtyllë themelore. ”
Kur të thërret Real Madridi, nuk ka asgjë për të menduar”, është shprehur anglezi në një intervistë të fundit, duke e bërë të qartë se as nuk e çon ndërmend largimin nga Madridi.
