Gabriel Jesus është shfaqur si alternativa e re e Barcelonës për repartin ofensiv, pasi pista Julián Álvarez është komplikuar përfundimisht për shkak të qëndrimit të Atlético Madrid.
Sipas Fabrizio Romano, sulmuesi brazilian është shumë pranë një marrëveshjeje me klubin katalanas. Barcelona pritet t’i paguajë Arsenalit rreth 10 milionë euro, plus bonuse.
29-vjeçari ka eksperiencë të madhe në futbollin europian, pasi ka luajtur për Manchester City dhe Arsenal. Hansi Flick thuhet se është një nga mbështetësit kryesorë të transferimit, duke vlerësuar fleksibilitetin dhe aftësinë e tij për të shënuar.
Jesus është në vitin e fundit të kontratës me Arsenalin dhe mund të bëhet goditja surprizë e Barcelonës në ditët e fundit të merkatos.
