Gjatë gjithë afatit të merkatos së janarit, Marcus Rashford u përfol për një transferim të mundshëm te Barcelona, por ditën e fundit u transferua tek Aston Villa.
Vetë dëshira e sulmuesit ishte të vishte fanellën e Barcelonës, por paga e tij e lartë ishte pengesë. Katalanasja Sport raporton se kanë qenë të paktën 3 lojtarë të Barcelonës kundër transferimit të Rashford.
Pedri, Gavi dhe Ronald Araujo mësohet se kanë folur me njerëz afër drejtuesve të klubit dhe kanë dalë kundër transferimit të anglezit për shkak të rrogës së tij të lartë që do paguante Barcelona për huazimin deri në fund të sezonit, që do ishte diku te 9 milionë euro.
Tre lojtarët e kanë shprehur këtë shqetësim, duke qenë se Barcelona sapo ishte kthyer në rregullin 1:1 të La Ligës për bilancin financiar. Shqetësimet e 3 lojtarëve ranë në veshin e drejtorit sportiv, Deco, i cili vendosi t’i jepej fund mundësisë për transferimin e Rashford.
