Një ngjarje e dhunës në familje është regjistruar në orët e para të mëngjesit në zonën e Ujit të Ftohtë në Vlorë.

Sipas të dhënave paraprake, një çift i ri është përfshirë në një konflikt, gjatë të cilit bashkëshorti dyshohet se ka goditur bashkëshorten me një mjet prerës, tip sëpatë, në pjesën e ballit.

E reja është transportuar menjëherë drejt Spitalit Rajonal të Vlorës, ku ka marrë ndihmën mjekësore. Sipas bluzave të bardha, gjendja e saj është e stabilizuar dhe ajo ndodhet jashtë rrezikut për jetën. Dëmtimet raportohet se janë sipërfaqësore dhe kryesisht në pjesën e ballit.

Ndërkohë, policia ka shoqëruar bashkëshortin, i cili po merret në pyetje lidhur me ngjarjen. Po ashtu, po merren deklarimet e gruas së dhunuar, ndërsa vijojnë hetimet për zbardhjen e plotë të rrethanave dhe shkaqeve të konfliktit.