Zjarri që ka përfshirë prej ditësh sipërfaqe të konsiderueshme toke në Pukë vijon të jetë aktiv, ndërsa situata paraqitet më kritike në fshatin Gojan.
Flakët janë përhapur në përmasa të mëdha dhe po afrohen drejt zonave të banuara, duke rrezikuar edhe banesat.
Për shkak të situatës, është dhënë urdhër për evakuimin e disa familjeve, ndërsa në terren vijojnë përpjekjet për vënien nën kontroll të flakëve.
Në operacionin për shuarjen e zjarrit janë angazhuar edhe dy helikopterë, të cilët po ndërhyjnë nga ajri për të ndihmuar në izolimin e vatrave të zjarrit.
