Juventus ka zyrtarizuar afrimin e portierit italian Guglielmo Vicario nga Tottenham.
29-vjeçari rikthehet në Serie A pas tre sezonesh në Angli dhe do t’i bashkohet bardhezinjve në formë huazimi deri më 30 qershor 2027. Në marrëveshje është përfshirë edhe një opsion që Juventus ta blejë përfundimisht portierin verën e ardhshme.
Vicario u transferua te Tottenham nga Empoli në vitin 2023 dhe gjatë aventurës së tij në Londër zhvilloi 117 ndeshje në të gjitha kompeticionet, duke mbajtur portën të paprekur në 29 prej tyre.
Ai ishte gjithashtu pjesë e skuadrës së Tottenham që fitoi Europa League në sezonin 2024/25.
