Dokumentari “Beautiful Obsession” sjell pamje dhe rrëfime të papublikuara nga sezonet e fundit të Pep Guardiolës te Manchester City, duke zbuluar momente të vështira si në jetën personale, ashtu edhe brenda skuadrës.
Një nga momentet më të forta është kur Guardiola u flet lojtarëve për divorcin nga Cristina Serra, duke pranuar se situata personale kishte ndikuar edhe tek ai. Dokumentari tregon gjithashtu përplasjet me lojtarët, mes tyre Kyle Walker, si dhe fjalimet e ashpra motivuese pas rezultateve negative.
Në një tjetër episod, Pep i drejtohet Erling Haaland gjatë finales së FA Cup, duke i kërkuar më shumë agresivitet dhe dëshirë për të luftuar për çdo top: “Të dua si një baba, por më trego se dëshiron të fitosh”.
Dokumentari sjell edhe emocionet e largimit të Kevin De Bruyne drejt Napolit dhe momentet e fundit të Guardiolës te City, kur trajneri mezi përmban lotët gjatë njoftimit të largimit të tij.
