Një incident është regjistruar në Porto Palermo, ku disa persona kanë mbetur të dëmtuar pas një shpërthimi në një skaf.
Sipas të dhënave paraprake, shpërthimi dyshohet se është shkaktuar nga benzina në motorin e mjetit lundrues. Si pasojë, personat që ndodheshin në skaf kanë pësuar djegie në pjesë të ndryshme të trupit.
Të dëmtuarit janë nxjerrë nga skafi dhe janë transportuar për të marrë ndihmë mjekësore.
Shërbimet përkatëse kanë mbërritur në vendngjarje, ndërsa po vijojnë verifikimet për të përcaktuar shkakun e saktë të shpërthimit dhe rrethanat e incidentit.
