Një konflikt mes dy personave që merreshin me shitjen e biletave për anijet turistike ka përfunduar me përdorimin e thikës në portin e Vlorës.
Ngjarja ka ndodhur gjatë ditës së sotme, ku pas një konflikti mes dy shitësve të biletave, Edmond Gorishova dyshohet se ka goditur me thikë Dhimo Thominin.
Pas incidentit, në vendngjarje kanë mbërritur shërbimet e Policisë, të cilat kanë ndërhyrë për të neutralizuar situatën dhe kanë bërë të mundur arrestimin e autorit të dyshuar.
Ndërkohë, personi i plagosur është marrë nga ambulanca dhe është dërguar në spital për të marrë ndihmën e nevojshme mjekësore. Ende nuk ka informacion të detajuar mbi gjendjen e tij shëndetësore.
Policia po vijon hetimet për të përcaktuar shkakun e konfliktit dhe dinamikën e plotë të ngjarjes.
