Ministrja e Arsimit dhe Sportit Ogerta Manastirliu ka zhvilluar një takim me grupet e hartimit të testit të Maturës Shtetërore 2025.
Manastirliu ka thënë se po angazhohen për një proces të rregullt, transparent dhe të drejtë për të gjithë maturantët.
Aplikimet për formularin A1 janë hapur dhe është i disponueshëm online përmes portalit e-Albania. Këto aplikime do të jenë të hapura deri më datën 12 shkurt 2025.
Ndërsa formulari A1Z është për kandidatët që kanë përfunduar shkollimin në vite të mëparshme dhe dëshirojnë të marrin pjesë në provimet e Maturës Shtetërore. Periudha e aplikimit për këtë formular është më e shkurtër, duke nisur më 11 shkurt dhe duke përfunduar më 12 shkurt 2025.
Formularët A1/ A1Z plotësohen fillimisht “online” nëpërmjet portalit “e-Albania” dhe më pas duhet të konfirmohen në shkollën përkatëse nga vetë maturanti/kandidati.
