Pas disa rezultateve të mira, skuadra e Manchester United zhgënjeu në takimin e fundit në Premier League, ku u mund në “Old Trafford” 0-2 nga Crystal Palace.
“Ne po përpiqemi gjithçka për të përmirësuar ekipin, por pa bërë gabimet e së kaluarës dhe duke u përpjekur të balancojmë urgjencën e momentit”, tha trajneri i United, Ruben Amorim.
Merkato e janarit ka sjellë deri më tani vetëm mbrojtësin e majtë Patrick Dorgu nga Lecce. “Ne i dimë të gjitha aspektet e klubit tonë. Ka edhe një ditë. Le të presim derisa dritarja e merkatos së janarit të mbyllet”, shtoi trajneri portugez.
“Humbja ndaj Palace në fushën tonë nuk ishte e turpshme, ishte poshtruese. Nuk e di përse ndodhi kjo ulje e përqendrimit. Reagimi ishte i dobët dhe larg pritshmërisë, ndaj puna që duhet bërë është e madhe”, tha Amorim.
