Cristiano Ronaldo ka publikuar koleksionin e tij luksoz të makinave në Instagram, ku aktualisht është personi me më shumë ndjekës në botë në rrjetet sociale. Nga Ferrari te Bugatti dhe McLaren, garazhi i tij përmban shumë supermakina të edicioneve të limituara që kushtojnë miliona euro.
“Lodrat” e një kampioni. Me këtë përshkrim Cristiano Ronaldo publikoi në profilin e tij në Instagram, mbrëmjen e së martës, 4 gusht, për herë të parë, tre fotografi që tregojnë një pamje panoramike të garazhit të tij personal.
Një flotë ëndrrash me supermakina dhe modele unike, që janë objekt dëshire për shumë entuziastë dhe koleksionistë në mbarë botën. Makina me historitë e tyre, secila e lidhur me etapa të ndryshme të karrierës së yllit portugez, i cili në më shumë se një intervistë ndër vite ka bërë të qartë se makinat me katër rrota janë pasioni i tij më i madh pas futbollit.
Nga Ferrari te Rolls-Royce, makina që ai vetë ka pranuar se i pëlqen më shumë për ta drejtuar, nga Bugatti, marka e tij më e dashur, deri te McLaren, koleksioni i Cristiano Ronaldos përfaqëson një kombinim të luksit, performancës dhe ekskluzivitetit.
