Manchester City vazhdon të punojë për transferimin e Ayyoub Bouaddit, pavarësisht kërkesës së lartë të Lille prej 100 milionë eurosh.
Sipas gazetarit Simon Bajkowski, negociatat mes dy klubeve janë ende në vazhdim, ndërsa kampionët anglezë mbeten skuadra më aktive në garën për mesfushorin 18-vjeçar.
Interesi i Cityt kishte nisur përpara Kupës së Botës, pasi skautët e klubit ia kishin rekomanduar lojtarin drejtuesve. Paraqitjet e tij me Marokun gjatë turneut vetëm sa e kanë shtuar bindjen për ta realizuar marrëveshjen.
Bouaddi luajti titullar në të pesë ndeshjet e Marokut dhe spikati veçanërisht ndaj Brazilit, ku regjistroi 86 prekje të topit dhe saktësi mbi 90 për qind në pasime.
Edhe me Lille, mesfushori u shndërrua në një titullar të rëndësishëm, duke regjistruar 42 paraqitje në të gjitha kompeticionet gjatë sezonit të fundit.
