Shqipëria do të vijojë të jetë nën ndikimin e masave ajrore të qëndrueshme edhe gjatë kësaj të hëne, duke sjellë mot kryesisht të kthjellët në të gjithë territorin.
Sipas Shërbimit Meteorologjik Ushtarak, gjatë ditës parashikohen vetëm vranësira të pakta kalimtare, pa reshje.
Era do të fryjë nga veriperëndimi në verilindje me shpejtësi mesatare rreth 7 m/s, ndërsa herë pas here në zonat bregdetare dhe në lugina do të forcohet deri në 14 m/s.
Në det, valëzimi pritet të jetë i forcës 1 deri në 3 ballë.
Sa i përket temperaturave, vlera më e lartë do të regjistrohet në Berat, ku termometri pritet të shënojë 37°C. Ndërkohë, në Tiranë, Elbasan dhe Gjirokastër temperaturat maksimale do të arrijnë në 34°C.
