Maturantët në të gjithë vendin do të plotësojnë sot formularin A2, në portalin U-albania, në mënyrë që të kyejnë kështu aplikimin në universitete. Të rinjtë kanë mundësinë të shënojnë deri në 10 degë të preferuara.
Fillimisht maturantët duhet të paguajnë 2 mijë lekë në bankë të nivelit të dytë për aplikimin, për herë të parë këtë vit fatura do të mund të ngarkohet online në platformën U-Albania.
Deri më tani nga universitetet janë propozuar 60 programe të reja studimi, të cilat o të jenë pjesë e ofertës akademike për vitin e ri. Megjithatë për degët më të kërkuara konkurrenca mbetet e lartë dhe kuotat mund të plotësohen që në fazën e parë të pranimeve.
Pas kryerjes së regjistrimit në degën përkatëse, çdo maturant ka të drejtë të çregjistrohet për 2 ditë rresht në fund të çdo raundi. Procesi i aplikimit mbyllet pas 6 ditësh, më 1 gusht.
