Arsenali po shqyrton mundësinë e transferimit të Vinícius Júnior nga Real Madridi, nëse sulmuesi brazilian nuk rinovon kontratën me klubin spanjoll.
Sipas gazetarëve David Ornstein dhe James McNicholas të “The Athletic”, 26-vjeçari është një nga emrat kryesorë që londinezët po vlerësojnë për përforcimin e repartit ofensiv.
Interesi është ende në fazat e para dhe mes dy klubeve nuk kanë nisur bisedimet zyrtare. Megjithatë, transferimi i brazilianit mbështetet nga drejtuesit e Arsenalit, të cilët po ndjekin nga afër zhvillimet rreth kontratës së tij.
Marrëveshja aktuale e Vinícius me Real Madridin skadon pas një sezoni, ndërsa palët ende nuk kanë arritur përparim për rinovimin. Madrilenët nuk duan të rrezikojnë humbjen e një prej lojtarëve kryesorë me parametra zero.
