Real Madridi ka përshpejtuar lëvizjet për transferimin e Diomandes, i cili pritet të jetë goditja më e madhe e madrilenëve në këtë merkato vere.
19-vjeçari, pas paraqitjeve të shkëlqyera me RB Leipzig, ka tërhequr interesin e disa prej klubeve më të mëdha europiane. Megjithatë, Real Madridi ka lëvizur në heshtje dhe ka marrë tashmë miratimin e lojtarit.
Drejtuesit e klubit kanë udhëtuar në Gjermani për të zhvilluar bisedime të drejtpërdrejta me Leipzigun. Marrëveshja ende nuk është mbyllur, por transferimi pritet të realizohet për një shumë mes 115 dhe 120 milionë eurove.
Afrimi i Diomandes do të mbyllte përfundimisht pistën Michael Olise, ndonëse Real Madridi ka mohuar vazhdimisht interesimin për francezin.
Transferimi mund të ndikojë edhe në të ardhmen e Viniciusit, veçanërisht për shkak të bisedimeve të papërfunduara për rinovimin e kontratës. Mastantuono, Gonzalo dhe Brahim Díaz janë gjithashtu mes lojtarëve që mund të preken nga konkurrenca e shtuar në repartin ofensiv.
José Mourinho kërkon më shumë shpejtësi dhe lojë të drejtpërdrejtë, ndërsa Diomande shihet si profili ideal për projektin e tij të ri.
