Një punëtor 54-vjeçar ka humbur jetën këtë të premte gjatë punimeve për rikonstruksionin e stadiumit të ri Camp Nou.
Sipas policisë katalanase, Mossos d’Esquadra, njoftimi për aksidentin u mor rreth orës 15:30. Punëtori dyshohet se pësoi një rënie gjatë kohës që po punonte në kantier.
Në vendngjarje mbërritën menjëherë forcat e policisë dhe ekipet e urgjencës mjekësore, por pavarësisht ndërhyrjes, nuk u bë e mundur shpëtimi i tij.
Ky është aksidenti i parë me pasojë vdekjen që prej nisjes së punimeve të mëdha në stadiumin e Barcelonës në qershor të vitit 2023.
Autoritetet kanë nisur hetimet dhe rasti i është referuar gjykatës dhe Departamentit të Punës.
