Seanca plenare ka nisur me debate mes kreut të Partisë Demokratike, Sali Berisha, dhe kryetarit të Kuvendit, Niko Peleshi.
Gjatë fjalës së tij në sallën e Kuvendit, Berisha ka sulmuar Peleshin, duke e akuzuar për shkelje të Kushtetutës dhe të drejtave të deputetëve.
“Do mbetesh në historinë e këtij vendi si vasali më i shpifur i Edi Ramës, si armik i egër i Kushtetutës dhe i të drejtave kushtetuese të deputetëve, si armik i egër i procesit të integrimit të Shqipërisë. Ka një muaj që janë dorëzuar amendamentet për amendimin e ligjeve, të cilat BE, Parlamenti Europian kërkon të amendohen dhe të anulohen, të cilat protesta më e fuqishme pas viteve ’90 kërkon të anulohen. Ti në radhë të parë me përgjegjësi absolute i injoron…”, deklaroi Berisha.
Pas këtyre akuzave, kryetari i Kuvendit, Niko Peleshi, i kërkoi kreut të PD-së të respektojë rregulloren dhe etikën parlamentare, duke paralajmëruar masa ndaj deputetëve që tejkalojnë normat e debatit.
“Mu drejtoni me etikë, zoti Berisha, mos tejkaloni etikën parlamentare. Mos përdorni epitete. Do t’i ndërpres sa herë që të shkelni rregulloren dhe do të marr masa sipas rregullores për të gjithë deputetët që abuzojnë me fjalën”, u shpreh Peleshi.
Pas këtij debate, Peleshi i ndërpeu fjalën Berishës.
