Janë publikuar formacionet zyrtare për çerekfinalen e parë të Kupës së Botës mes Francës dhe Marokut, një sfidë që pritet të jetë shumë e luftuar.
Didier Deschamps ka zgjedhur një skemë 4-2-3-1 për Francën, me Kylian Mbappé në qendër të sulmit. Lajmi kryesor është mungesa e Aurélien Tchouaméni në formacionin titullar. Mesfushori i Real Madrid nuk është gati për ta nisur nga minuta e parë për shkak të problemeve fizike, ndërsa vendin e tij e merr Koné, i cili do të luajë përkrah Rabiot në mesfushë.
Në ofensivë, Deschamps ka zgjedhur Dembélé, Olise dhe Doué në mbështetje të Mbappé, ndërsa Barcola mbetet jashtë formacionit titullar. Në mbrojtje, Franca rreshtohet me Koundé, Upamecano, Saliba dhe Digne përpara Maignan.
Nga ana tjetër, Maroku zbret në fushë gjithashtu me skemën 4-2-3-1. Mungesa më e madhe është Ismael Saibari, i cili nuk ia ka dalë të rikuperohet nga dëmtimi. Surpriza në formacion është Talbi, i cili merr besimin e trajnerit pas ndikimit pozitiv që pati ndaj Holandës.
Marokenët do të mbështeten te Bono në portë, ndërsa Hakimi, Diop, Mazraoui dhe Salah-Eddine formojnë repartin defensiv. Në mesfushë janë Bouaddi dhe El Aynaoui, me El Khannouss, Ounahi dhe Brahim Diaz që do të ndihmojnë Talbin në fazën sulmuese.
Franca vjen e paralajmëruar në këtë duel, pasi në këtë shekull ka pasur vështirësi të mëdha ndaj skuadrave afrikane në Kupën e Botës. Maroku, nga ana tjetër, kërkon të vazhdojë ëndrrën dhe të përsërisë surprizat e mëdha të turneut.
Formacioni i Francës:
Maignan; Koundé, Upamecano, Saliba, Digne; Koné, Rabiot; Dembélé, Olise, Doué; Mbappé.
Formacioni i Marokut:
Bono; Hakimi, Diop, Mazraoui, Salah-Eddine; Bouaddi, El Aynaoui; El Khannouss, Ounahi, Brahim Diaz; Talbi.
