Sepp Blatter ka reaguar ashpër ndaj FIFA-s pas polemikave për anulimin e pezullimit të Folarin Balogun, sulmuesit të Shteteve të Bashkuara, për ndeshjen ndaj Belgjikës në 1/16-at e Kupës së Botës.
Ish-presidenti i FIFA-s kritikoi mënyrën se si u trajtua çështja, duke vënë në dyshim pavarësinë e vendimeve të institucionit. Sipas tij, vendimet e arbitrimit dhe ato disiplinore duhet të bazohen vetëm te rregulloret, jo te ndërhyrjet politike apo “telefonatat”.
Reagimi i Blatter vjen pas raportimeve se Donald Trump dhe Shtëpia e Bardhë kanë ndërhyrë për të siguruar që Balogun të ishte i disponueshëm për sfidën ndaj Belgjikës, me ndihmën e Gianni Infantinos. Këto zëra u shtuan edhe më shumë pas postimeve të vetë presidentit amerikan dhe Zyrës Ovale.
Blatter dënoi gjithashtu përdorimin e futbollit si hapësirë ndikimi politik, duke ngritur pikëpyetje mbi integritetin e FIFA-s aktuale. Mesazhin e tij ai e mbylli me një pyetje kritike për institucionin: “Quo vadis, FIFA?”
Shtetet e Bashkuara do të përballen me Belgjikën këtë të martë, më 6 korrik. Fituesi i kësaj sfide do të ketë përballë Spanjën ose Portugalinë në rrugën drejt trofeut.
