Deputetja e pavarur, Marjana Koçeku, e njohur si Neomalësorja, ka denoncuar ndërhyrjet që po bëhen në Lumin e Currajve në veri nga betonizimi dhe ndërtimi i digave.
Me anë të një postimi në rrjetet sociale, deputetja shprehet se nuk duhet lejuar asnjë ndërhyrje apo betonizim dhe se çdo ndërhyrje në atë lumë është e pajustifikueshe.
Në fund, Koçeku u bën thirrje organizatave mjedisore dhe aktivistëve që të organizohen për të mbrojtur këtë pasuri natyrore.
Postimi:
Sot mora vesh që lumi i Currajve në Nikaj-Mërtur po cënohet nga betonizimi dhe ndërtimi i disa digave. Kjo nuk duhet me u leju. Banorët e zonës duhet ta mbrojnë para se të jetë vonë.
Çdo ndërhymje në atë lumë të egër asht i pajustifikueshëm. U baj thirrje organizatave mjedisore, banorëve, aktivistëve të gjelbër, të organizohen dhe ta kenë në vëmendje nji pasuni natyrore siç asht lumi i Currajve në Nikaj-Mërtur. Nuk ka pasë ndonjëherë kohë ma të mirë për me vepru!/
