Kryeministri Edi Rama gjatë një eventi për infrastrukturën nëntokësore në zonat urbane foli për një nismë të re që synon sistemimin e kabllove ajrore dhe strukturave të improvizuara që, sipas tij, dëmtojnë pamjen e qyteteve.
Ai theksoi se procesi i kalimit drejt infrastrukturës nëntokësore kërkon organizim dhe disiplinë të fortë për t’u realizuar me sukses.
Rama u shpreh se shumë prej kabllove ekzistuese janë jashtë funksionit.
Ai nënvizoi se nisma do të sjellë më shumë standard në territor, koordinim më të mirë dhe qytete më të rregullta në kuadër të afrimit me Bashkimi Europian. Po ashtu, ai paralajmëroi prezantimin e programit “Rilindja Urbane 2.0”, që do të trajtojë investimet e mbetura në infrastrukturë dhe përmirësimin e shërbimeve urbane në vend.
Rama: Është një nismë që vjen në kohën e duhur dhe që kërkon një organizim dhe një disiplinë të fortë për t’u kryer me sukses. Është plotësisht e mundur që të pastrojmë qytetet tona nga gjithë ato fije plastike merimangash të një kohe e cila ka pasur pasojat e veta në vazhdën e një zhvillimi që po ashtu ishte i domosdoshëm. Faktikisht siç e tregon edhe inventari i bërë pjesa dërmuese e këtyre kabllove janë pa funksion. Janë pa funksion por qëndrojnë aty si një shenjë e harresës edhe e mungesës së vëmendjes. Dua të ndaj në prani të kryebashkiakëve edhe një tjetër nismë të një përmase shumë të madhe dhe të shtrirë në një sërë drejtimesh me natyrë strategjike për komunitetet e vendit, të cilën do ta lancojmë në një konferencë të pushtetit vendor në 10-ditësisht e parë të korrikut, bëhet fjalë për programin e ri kombëtar të rilindjes urbane 2.0. është një program cili synom të adresojnë disa elementë të cilëve tanimë i ka ardhur koha të marin një drejtim shterues.
Së pari të adresojë të gjitha pjesët e mendura të painvestuara të sistemit të ujësjellës-kanalizimeve. Pikërisht për këtë programi do të adresojë nevojën por të bërë një ndërhyrje gjithëpërfshirëse dhe për t’i dhënë përgjigje edhe atyre nevojave të mbetura të paadresuara. Së dyti do të çojmë në një nivel tjetër transportin urban dhe ndërurban, duke nisur nga transporti i domosdoshëm dhe hallka më e dobët e sistejmit tonë të ndustrisë së turizmit, që është transporti i periudhës së sezonit të pikut, kur bëhet shumë e vëshitrë për tursitët dhe vizitorët të lëvizin me mjete të vëna në dispozicion nga sektori publik.
Për parkimet kemi disa formula dhe përveç formulës së financimit direkt të punës për ndërtimin e tyre përmes Fondit të Zhvillimit dhe krijimit të partneriteteve me bashkitë, por edhe një tjetër formulë për t’i mundësuar bashkive që të mund të aksesojnë bankat me projekte specifike të parkimeve apo që të mund të bashkëpunojnë me subjeket private të cilat do të jenë të ftuara të marrin pjesë në bashkëpunim në ato territore brenda lagjeve që i përdorin për parkime shqetësuse.
