Cristiano Ronaldo ka vendosur një tjetër rekord të jashtëzakonshëm në karrierën e tij. Me golin e parë ndaj Uzbekistanit, ylli portugez u bë lojtari i vetëm në histori që ka shënuar në gjashtë edicione të ndryshme të Kupës së Botës.
Sulmuesi 41-vjeçar realizoi dy herë në këtë ndeshje, duke lënë pas kritikat që e kanë shoqëruar gjatë këtij turneu. Goli i parë ishte ai që e futi përfundimisht në historinë e futbollit botëror.
Historia e Cristiano Ronaldos me golat në Botëror nisi në vitin 2006 në Gjermani, ku shënoi një herë. Ai gjeti rrjetën edhe në Afrikën e Jugut 2010 dhe Brazil 2014, ndërsa edicioni më i mirë për të mbetet ai i vitit 2018, kur realizoi katër gola. Në Katar 2022 shënoi vetëm një herë.
Edhe në moshën 41-vjeçare, Cristiano vazhdon të jetë vendimtar për Portugalinë. Pas një ndeshjeje të parë të qetë, ai u rikthye te goli në ndeshjen e dytë, duke konfirmuar edhe një herë statusin e tij si një ikonë e vërtetë e futbollit.
