Një debat i ri ka shpërthyer në rrjetet sociale pas spekulimeve se këngëtari Flori Mumajesi kishte surprizuar Soni Malajn me një dedikim përmes një droni. Aludimet u përhapën me shpejtësi, duke nxitur reagime të shumta nga ndjekësit.
Megjithatë, Elton Tozaj ka vendosur të sqarojë publikisht situatën. I ftuar në një emision televiziv, ai deklaroi se droni në fjalë nuk ishte dërguar nga Flori Mumajesi, por ishte pjesë e organizimit të produksionit. “Mund të të jap emrin e djalit që ka pasur dronët dhe mund ta pyesësh”, u shpreh Tozaj, duke kundërshtuar zërat që lidhnin Florin me këtë surprizë.
Deklarata e tij ka rikthyer diskutimet në rrjet, pasi shumë ndjekës kishin interpretuar gjestin si një mesazh të fshehtë apo dedikim personal nga këngëtari për Soni Malajn. Debati u bë edhe më i madh për shkak të faktit se Flori nuk ishte i pranishëm në dasmën e këngëtarit Klajdi Haruni, çka bëri që disa përdorues të rrjeteve sociale të vinin në dyshim zërat për përfshirjen e tij në organizimin e surprizës.
