Zjarri që shpërtheu sot në garazhin e një pallati tetë katësh në zonën e Komunës së Parisit në Tiranë, la pas tre makina të djegura dhe katër persona të lënduar.
Siç duket edhe në foto, dy prej tre makinave të djegura janë shkrumbuar tërësisht. Bëhet e ditur se një nënë me dy fëmijët e saj të mitur pësuan djegie, ndërsa një e moshuar u rrëzua nga shkallët kur ka tentuar të dalë nga pallati.
Nëna po merr ndihmë mjekësore në Repartin e Djegies, ndërsa të miturit po marrin trajtim te Pediatria. Gjendja e tyre raportohet jashtë rrezikut për jetën.
Flakët e zjarrit përfshinë pasditen e sotme garazhin e pallatit tetë katësh në zonën e Komunës së Parisit. Shkak i zjarrit dyshohet të ketë qenë një shkëndijë elektrike.
