Brazili dhe Maroku e nisën Kupën e Botës 2026 me një barazim 1-1, në një nga ndeshjet më interesante të deritanishme të turneut.
Maroku e nisi më mirë takimin dhe kaloi në avantazh falë një aksioni të bukur mes Brahim Diaz dhe Saibari. Lojtari i Real Madrid dha një pasim perfekt mes mbrojtësve brazilianë, ndërsa sulmuesi i PSV e dërgoi topin mbi Alisson për të zhbllokuar rezultatin.
Brazili reagoi rreth minutës së 30-të, kur Vinicius Junior mori përgjegjësinë në një moment të vështirë për skuadrën e Carlo Ancelotti. Ylli i Real Madrid u fut nga krahu dhe lëshoi një goditje të fortë që mposhti Bono, duke barazuar shifrat në 1-1.
Në pjesën e dytë, Ancelotti bëri ndryshime, duke larguar Ibañez dhe Casemiro, të cilët ishin ndëshkuar me kartonë të verdhë. Raphinha pati një mundësi për të përmbysur rezultatin, por goditja e tij u ndal pa shumë probleme nga Bono.
Në minutat e fundit, Maroku fitoi më shumë besim dhe vendosi në vështirësi Brazilin. “Luanët e Atlasit” patën edhe një rast të dyfishtë për të marrë fitoren, por nuk arritën ta dërgonin topin në rrjetë.
Në fund, Brazili dhe Maroku ndajnë nga një pikë në debutimin e tyre në Botëror.
