Liverpool ka njoftuar zyrtarisht largimin e trajnerit Arne Slot nga drejtimi i ekipit, vetëm një vit pasi holandezi udhëhoqi “The Reds” drejt titullit kampion në Premier League.
Vendimi është marrë nga drejtuesit e klubit pas një analize të plotë të rezultateve të sezonit 2025/26, i cili u konsiderua zhgënjyes krahasuar me pritshmëritë e klubit.
Gjatë periudhës së tij në “Anfield” (2024–2026), Slot drejtoi Liverpoolin në 122 ndeshje, duke regjistruar 74 fitore, 18 barazime dhe 30 humbje. Arritja më e madhe e tij mbetet fitimi i titullit të Premier League në sezonin 2024/25.
Në deklaratën zyrtare, Liverpool konfirmoi se ndarja me trajnerin ka hyrë në fuqi menjëherë dhe se procesi për emërimin e pasuesit të tij tashmë ka nisur.
Sipas raportimeve të mediave britanike, kandidati kryesor për të marrë drejtimin e skuadrës është Andoni Iraola, i cili pritet të largohet nga Bournemouth në fund të sezonit.
