Real Madrid dhe Atletico do jenë në konkurrencë të fortë jo vetëm në garën për titullin në La Liga, por edhe në merkato. Dy klubet madrilene janë në garë për transferimin e Alvaro Carreras, mbrojtësit të majtë të Benfica-s.
I riu spanjoll po shkëlqen në kampionatin portugez, por edhe në Champions League ka bërë paratije shumë të mira duke ngjallur interesin e dy gjigantëve spanjollë.
Aftësia e tij për t’u përshtatur si në detyrat mbrojtëse ashtu edhe në ato sulmuese e bën atë një mbrojtës modern që i përshtatet futbollit elitar dhe sidomos strategjisë së dy klubeve madrilene.
Real-i ka qenë prej kohësh në bisedime me Alphonso Davies, por kanadezi ka pranuar të rinovojë kontratën me Bayern, ndaj klubi madrilen është hedhur në sulm për spanjollin e talentuar të Benfica-s.
Në anën tjetër, Atletico Madrid është gjithmonë në kërkim të lojtarëve që kombinojnë përkushtimin dhe talentin, e konsideron Carreras një opsion ideal për të forcuar mbrojtjen për një kohë të gjatë.
