Bruno Fernandes është shpallur lojtari më i mirë i sezonit në Premier League. Kapiteni i Manchester United fitoi çmimin pas një sezoni shumë të fortë, ku ndihmoi skuadrën të siguronte vendin e tretë dhe kualifikimin në Champions League.
Mesfushori portugez barazoi rekordin e asistimeve në një sezon të Premier League, pasi arriti në kuotën e 20 pas pasimit vendimtar ndaj Nottingham Forest.
Përveç asistimeve, Fernandes ka shënuar edhe 8 gola në 37 ndeshje, ndërsa ka krijuar më shumë raste se çdo lojtar tjetër në kampionat, me 132 mundësi të krijuara.
Ai bëhet lojtari i parë i Manchester United që fiton këtë çmim që nga Nemanja Vidic në vitin 2011.
Në garë për çmimin ishin edhe David Raya, Gabriel, Declan Rice, Erling Haaland, Antoine Semenyo, Igor Thiago dhe Morgan Gibbs-White.
Ndërkohë, çmimi për lojtarin e ri më të mirë të sezonit shkoi për Nico O’Reilly të Manchester City, i cili ka zhvilluar një sezon të shkëlqyer me 5 gola dhe 3 asistime në kampionat.
