Barcelona kërkon me patjetër një përforcim në sulm merkaton e janarit. Katalanasit kanë ndjekur pistën Marcus Rashford, por nuk po arrijnë dot të gjejnë gjuhën e përbashkët me Manchester United.
E ndodhur në këtë situatë, Barcelona po sheh për alternativa të tjera. Sipas Eduardo Inda në emisionin El Chiringuito de Jugones, agjenti i njohur, Jorge Mendes, i ka propozuar klubit katalanas transferimin e lojtarit të tij, Marco Asensio.
Me ardhjen e Khvicha Kvaratskhelia, Asensio nuk bën më pjesë në planet e Luis Enrique dhe drejtuesit e PSG-së janë të hapur për huazimin e tij ose shitjen direkte. Te Barcelona nuk janë shumë të bindur për këtë operacion, por mund të jetë insistimi i vazhdueshëm i Jorge Mendes që ka marrdhënie shumë të mirë me drejtuesit katalanas për të finalizuar këtë marrëveshje.
Vlen për t’u përmendur fakti që Barcelona ka qenë e interesuar për Asensio-n gjatë kohës kur ai luante te Mallorca, por dëshira e tij ishte fanella e Real-it.
