Kjo është java vendimtare ku Manchester City dhe Juventus pritet të finalizojnë marrëveshjen për transferimin e Andrea Cambiaso te “Qytetarët” për shifrën 70 milionë euro. Mbrojtësi bardhezi pëlqehet shumë nga Guardiola, spanjolli e do në ekip brenda janarit pa pritur merkaton e verës.
Ndërkohë, gazetari Alfredo Pedulla raporton se drejtuesit e “Zonjës së Vjetër” do takohen me drejtuesit e Chelsea-s për të diskutuar për transferimin në Torino të dyshes së “Bluve”, Renato Veiga dhe Ben Chilwell.
Veiga mund të luajë edhe si mbrojtës i majtë, por do të përdoret për të mbuluar mungesën e Gleison Bremer në qendër të mbrojtjes, ndërsa Chilwell mund të përdoret më së miri për të plotësuar boshllëkun që do të lërë Cambiaso.
