Zjarr në avionin e Turkish Airlines në Katmandu, mbyllet përkohësisht aeroporti
Një zjarr i vogël ka rënë në një avion të kompanisë ajrore Turkish Airlines, i cili u ul sot në kryeqytetin e Nepal, Katmandu, duke detyruar autoritetet të mbyllin aeroportin për rreth një orë deri në vënien e situatës nën kontroll.
Sipas autoriteteve të aviacionit civil në Nepal, zjarri shpërtheu në rrotën e pasme të djathtë të sistemit të uljes së avionit Airbus A330-300, i cili kishte kryer fluturimin nga Stamboll drejt Katmandusë.
Të gjithë 277 pasagjerët dhe 11 anëtarët e ekuipazhit u evakuan në mënyrë të sigurt, pa raportime për të lënduar.
Lajmi u konfirmua nga përfaqësuesi i autoritetit të aviacionit civil të Nepalit, Gyanendra Bhul, për agjencinë ndërkombëtare të lajmeve Reuters.
