Barcelona ka marrë një lajm jo shumë pozitiv pas barazimit 1-1 ndaj Newcastle në Champions League. Sipas raportimeve të Diario SPORT, Lamine Yamal mungoi në stërvitjen e së enjtes, më 12 mars, për shkak të disa shqetësimeve fizike.
Megjithatë, te klubi katalanas nuk duket se ka alarm serioz për gjendjen e talentit të ri. Sipas të njëjtave raportime, Yamal pritet të rikthehet në stërvitje të premten, më 13 mars, për të nisur përgatitjet për ndeshjen e radhës.
Barcelona do të përballet me Sevillan të dielën, më 15 mars, në javën e 28-të të La Ligës, dhe mbetet për t’u parë nëse lojtari do të jetë plotësisht i gatshëm për këtë sfidë.
Lamine Yamal po kalon një sezon shumë të mirë me fanellën blaugrana. Deri tani ai ka zhvilluar 37 ndeshje, ka shënuar 20 gola dhe ka dhënë 15 asistime, ndërsa ishte autor i golit edhe në përballjen ndaj Newcastle.
