Dinamo dhe Egnatia sigurojnë vendet e tyre në gjysmëfinalet e Kupës së Shqipërisë, duke u bashkuar me Vllazninë dhe Elbasanin. Dinamo, e drejtuar nga Ilir Daja, arriti të eliminojë Tiranën në çerekfinale. Pas një fitorje 2-0 në ndeshjen e parë, skuadra përsëriti rezultatin edhe në ndeshjen e kthimit që u zhvillua në Air Albania Stadium.
Goli i parë i Dinamos u shënua nga Nezirin në minutën e 30, një moment kyç që praktikisht vulosi kalimin në gjysmëfinale. Pjesa e dytë nisi me Dinamon e fokusuar, e cila shënoi edhe golin e dytë me Guindo, për ta përfunduar ndeshjen me fitoren 2-0 dhe për të shkruar emrin e saj mes katër skuadrave më të mira të këtyre kompeticioni.
Ndërkohë, ndeshja mes Egnatias dhe Teutës në Rrogozhinë përfundoi me një barazim 0-0, por Egnatia ka arritur të avancojë në gjysmëfinale falë fitores së mëparshme në Durrës me rezultatin 2-1. Kështu, skuadrat që do të garojnë në gjysmëfinale të Kupës së Shqipërisë janë Vllaznia, Elbasani, Dinamo dhe Egnatia.
