Trajneri i Barcelona-s, Hansi Flick, ka komentuar momentin shqetësues me Pedrin, i cili u shtri në fushë dhe mori ndihmë mjekësore gjatë ndeshjes, duke alarmuar tifozët katalanas.
Mesfushori spanjoll tregoi karakter dhe vendosmëri, duke vazhduar lojën deri në vërshëllimën e fundit, pavarësisht shqetësimit fizik.
Çfarë tha Flick
Sipas Hansi Flick, gjendja e Pedrit nuk është serioze dhe lojtari është mirë.
“Pedri nuk ndihej mirë? Jam i lehtësuar që nuk i ndodhi asgjë serioze. Ne kemi nevojë për Pedrin në fushë, ndaj e pyeta nëse donte të dilte apo të vazhdonte.
Ishte e rrezikshme për ne ta linim në fushë për 90 minuta… por ai më tha se ishte mirë, vetëm një tërheqje muskulore.”
Flick shtoi se Pedri do t’i nënshtrohet kontrolleve të mëtejshme mjekësore, pas të cilave do të qartësohet plotësisht nëse është 100% gati.
Fitore pa finalen
Pavarësisht fitores bindëse 3-0, Barcelona nuk arriti të kualifikohej në finalen e Copa del Rey, pasi u eliminua nga Atlético Madrid me rezultatin e përgjithshëm 3-4.
