Presidenti amerikan, Donald Trump gjatë fjalës së tij nga Zyra Ovale me kancelarin gjerman, Friedrich Merz theksoi se nuk dëshiron që iranianët të protestojnë ende. Ai shtoi se situata është e rrezikshme përshkak të bombave.
“Nëse do të dilni dhe të protestoni, mos e bëni ende. Është shumë e rrezikshme atje jashtë. Po hidhen shumë bomba”, tha presidenti amerikan.
Menjëherë pas sulmeve gjatë fundjavës, Trump u tha iranianëve se ata duhet të marrin kontrollin e qeverisë së tyre.
Ai e ka përsëritur këtë thirrje në intervista me gazetarët që atëherë, megjithëse nuk ka dhënë mendimin e tij për një pasardhës të caktuar që do të donte të shihte për Udhëheqësin Suprem të Iranit pas vrasjes së Ali Khamenei.
Presidenti shtoi se kishte në mendje të paktën një zëvendësues, i cili tani është i vdekur.
