Raundi “playoff” i Champions League ka përfunduar dhe tashmë është kompletuar lista e plotë e skuadrave që do të garojnë në 1/8-at e finales.
Ky edicion premton një fazë me eliminim direkt spektakolare, pasi në garë janë si gjigantët tradicionalë të futbollit europian, ashtu edhe disa nga surprizat më të bukura të sezonit.
Premier League konfirmon dominimin, duke dërguar plot gjashtë skuadra në fazën me eliminim:
Manchester City, Arsenal, Liverpool, Chelsea, Tottenham dhe Newcastle.
Edhe La Liga mbetet një pretendente serioze, me tre emra të mëdhenj:
Real Madrid, Barcelona dhe Atlético Madrid.
Nga Bundesliga, Gjermania përfaqësohet nga dy skuadra shumë të forta:
Bayern Munich dhe Bayer Leverkusen.
Në mesin e 16 më të mirave janë gjithashtu:
- PSG (Francë)
- Atalanta (Itali), që spikati me një nga përmbysjet më mbresëlënëse të kësaj faze
- Galatasaray (Turqi)
- Sporting Lisbon (Portugali)
- Bodø/Glimt (Norvegji), surpriza e madhe e këtij sezoni dhe për herë të parë në histori në këtë nivel të Champions League
Skuadrat e mëdha rrezikojnë që në 1/8-at përballje shumë të forta, pasi shorti mund të sjellë duele “big”. Real Madridi mund të përballet me Manchester Cityn ose Sportingun, Barcelona me PSG-në ose Newcastle, ndërsa Atlético Madridi me Liverpoolin ose Tottenhamin. Kjo do të thotë se që në këtë fazë mund të kemi ndeshje të nivelit finalesh, me gjigantë që eliminojnë njëri-tjetrin shumë herët.
Tashmë sytë janë te shorti zyrtar i UEFA-s, ku do të përcaktohen çiftet e 1/8-ave. Me këtë nivel skuadrash, që në këtë fazë mund të kemi përballje të mëdha si:
Real Madrid – Manchester City ose Barcelona – PSG.
Shorti do të hidhet të premten, 27 shkurt, në orën 12:00 (CET).
