Konfirmohen zërat shqetësues, Reali humbet liderin e tij
Sulmuesi francez është i detyruar të qëndrojë jashtë fushës, në fazë rikuperimi.
Detajet: Më herët gjatë ditës së sotme, faqja zyrtare e Real Madridit në rrjetin social X publikoi listën e plotë të lojtarëve të grumbulluar për ndeshjen ndaj Benficës.
Për zhgënjimin e madh të tifozëve të “Galácticos”, lajmi i keq është konfirmuar: sulmuesi 27-vjeçar Kylian Mbappé nuk do të luajë në ndeshjen e sotme.
Dje, mediat raportuan zëra se Mbappé vazhdon të shqetësohet nga dhimbje në gjurin e majtë, gjë që e ka penguar të stërvitet normalisht. Afati i rikuperimit të tij mbetet ende i panjohur, ashtu si edhe shkalla e dëmtimit.
Këtë sezon, Kylian Mbappé ka zhvilluar 33 ndeshje në të gjitha kompeticionet, duke shënuar 38 gola dhe duke dhënë 6 asistime.
