Presidenti i FC Barcelona, Joan Laporta, ka zbuluar se klubi katalanas ka refuzuar një ofertë marramendëse nga Paris Saint-Germain F.C. për Lamine Yamal, kur ai ishte vetëm 17 vjeç.
Sipas The Touchline, Laporta tha në një intervistë se përfaqësues të PSG-së iu afruan Barcelonës dy vite më parë dhe vendosën në tavolinë 250 milionë euro për transferimin e talentit të ri. “Kur PSG na ofroi 250 milionë euro për Lamine Yamal dhe ne e refuzuam, ai ishte 17 vjeç; disa menduan se ishim të çmendur”, u shpreh Laporta.
Edhe pse Barcelona ka kaluar vështirësi financiare dhe një marrëveshje e tillë do të kishte ndihmuar ndjeshëm buxhetin e klubit, Laporta theksoi se drejtuesit vendosën të mos heqin dorë nga një produkt i akademisë La Masia.
Yamal u bashkua me ekipin e parë në vitin 2023, pasi kaloi të gjitha moshat e akademisë së klubit. Deri tani, ai ka regjistruar 139 paraqitje me Barcelonën, me 40 gola dhe 48 asistime. Kontrata e tij aktuale është e vlefshme deri në vitin 2031, ndërsa vlera e tij në treg vlerësohet rreth 220 milionë euro nga Transfermarkt.
