Zërat që lidhnin sulmuesin Harry Kane me një transferim të mundshëm te FC Barcelona rezultojnë të pabazuara.
Sipas Sky Sport, pavarësisht zgjedhjeve të ardhshme presidenciale në klubin katalanas, transferimi i Kane këtë verë nuk është në agjendë dhe konsiderohet një skenar krejtësisht jorealist për Barcelonën.
Vetë anglezi ka reaguar edhe për raportimet mbi “bisedime” të mundshme me kandidatin për president Xavier Vilajoana:
“Nuk kam dëgjuar asgjë për këtë. Babai dhe vëllai im nuk më kanë thënë asgjë. Jam shumë i lumtur këtu”, u shpreh Kane, duke theksuar se fokusi i tij mbetet te Mynihu.
Ndërkohë, Bayerni po punon për ta mbajtur yllin e skuadrës, me synimin për t’ia zgjatur kontratën deri në vitin 2028 ose 2029. Raportohet se negociatat paraprake kanë nisur dhe lojtari është i hapur për një marrëveshje të re afatgjatë.
Në këtë sezon, Kane ka statistika të shkëlqyera: në 36 ndeshje në të gjitha kompeticionet ka shënuar 43 gola dhe ka dhënë 5 asistime.
