Pas disa orësh kërkime, policia ka vënë në pranga autorin e dyshuar të vrasjes së 48-vjeçarit Skerdilajd Isufi.
Policia ka sekuestruar edhe thikën e krimit që nisi për motive krejtësisht banale.
Ngjarja e rëndë ndodhi rreth orës 14:22 të 21 shkurtit, në lagjen nr.3 në Kavajë.
Pas një sherri për parkimin, 48-vjeçari e goditi Isufin disa herë me thikë.
Aktin makabër e kreu përpara portës së banesës së tij dhe më pas zgjodhi të arratisej.
Isufi mori plagë të rënda, duke ndërruar jetë pasi mbërriti në spital.
“Shërbimet e Komisariatit të Policisë Kavajë, Forcat e Posaçme “Shqiponjat” dhe Forcat Operacionale të DVP Durrës, pas disa orësh kërkimesh e kontrollesh për kapjen e autorit të vrasjes me mjet prerës të 48-vjeçarit, bënë të mundur lokalizimin, kapjen dhe arrestimin e shtetasit: L. D., alias L. P., 48 vjeç, banues në lagjen nr. 3, Kavajë”, njofton Policia.
