Disa prej qyteteve të Shqipërisë kanë qenë në black out për gati një orë, duke lënë në terr pothuaj gjysmën e vendit.
Pa drita mbetën qytete si Durrësi, Fieri, Lushnja, Vlora dhe Saranda.
Burime për mediat bëjnë me dije se këto probleme erdhën pasi ra linja e transmetimit 220 kv Kashar Rashbull Durrës.
Sakaq, mësohet se pas 30 minutash energjia u rikthye në qytetin e Durrësit, ndërsa janë ndezur ndriçuesit e rrugëve në Fier, teksa energjia e plotë u rikthye pas gati 1 ore.
Gjithashtu edhe në Sarandë dhe Lushnjë pas gati 1 ore pati një rikthim të energjisë elektrike. Pjesërisht në 80% të qytetit energjia elektrike u rikthye në qytetin e Vlorës.
Sipas burimeve të informacionit nga OSHEE për gazetaren Marsela Topi, mësohet se ka pasur një defekt të rëndë në një linjë të tensionit të lartë në zonën e Beratit.
Ndërsa nga burime zyrtare nga OSHEE Fier mësohët se kanë rënë linjat e OST si në Fier ashtu edhe në Elbasan të 220-çit.
Nuk dihet se cili ka qënë shkaku. Grupet e punës janë në terren . Nuk dihet se sa do të zgjasi situata pa enërgji por me percaktimin e defektit do te kalohet furnizimi nga linjat dytësore.
