Tottenham ka njoftuar zyrtarisht emërimin e Igor Tudor si trajnerin e ri të ekipit të parë, duke hapur një kapitull të ri për klubin londinez.
Trajneri kroat ka firmosur një kontratë deri në fund të sezonit aktual, ndërsa emërimi do të hyjë në fuqi sapo ai të pajiset me lejen e punës. Në komunikimet e klubit thuhet se drejtuesit i kanë vendosur një objektiv të qartë Tudor-it: të stabilizojë paraqitjet e skuadrës, të rikthejë intensitetin në fushë dhe të ngjitet sa më lart në renditjen e Premier League gjatë fazës vendimtare të sezonit.
Në fjalët e para pas emërimit, Tudor u shpreh: “Është një nder i madh të bashkohem me këtë klub në një moment kaq të rëndësishëm. E kuptoj përgjegjësinë që më është besuar. Qëllimi im është i qartë: të sjell vazhdimësi në rezultate dhe të siguroj që t’i qasemi çdo ndeshjeje me besim të plotë për fitore. Kjo skuadër ka shumë cilësi dhe detyra ime është t’i organizoj lojtarët dhe të përmirësojmë shpejt performancën.”
Së fundi, Tudor kishte qenë pjesë e Juventusit, prej nga u largua në tetor 2025.
