Drejtoria e Tatimeve ka njoftuar se të gjithë ata individë, të cilët gjavë vitit 2024 kanë marrë pagën pruto me vlerë 100 mijë lekë të reja, do t’i nënshtrohen skemës së deklarimit të të ardhurave vjetor, DIVA.Ky lajm u bë i ditur nga Rozana Çelmeta, drejtoresha e proceseve të biznesit në Drejtorinë Tatimore për Report Tv, teksa sqaron se me ligjin e vitit 2023, në skemën e deklarimit të pasurive, do të përfshihen të gjithë ata individë paga e të cilëve fillon që nga 1.2 milionë lekë, duke ulur fashën nga 2 milionë lekë të ardhura mujore. “Ka ndryshuar vlera e të ardhurave bruto që përcakton detyrimin e individëve për të qenë subjekt i deklarimit të DIVA-as. Pra nëse për vitet më parë kjo vlerë ishte 2 milionë lekë, pra çdo individ që realizonte të ardhura në vlerën 2 milionë lekë nga të gjitha burimet ishte subjekt i DIVA, për vitin 2024 dhe në vijim, kjo vlerë është 1.2 milionë lekë”, pohon Rozana Çelmeta nga drejtoria e Tatimeve.
Çelmeta gjithashtu ka njoftuar se afati i dorëzimit të Deklaratës Individuale Vjetore të të Ardhurave (DIVA), nuk do të jetë më 30 prilli por data 31 mars 2025.Gjithashtu nga skema e deklarimit të pasurisë nuk përjashtohen ata persona të cilët kanë qenë të dypunësuar qoftë dhe për një muaj të vetëm si dhe ata që kanë 50 mijë lekë të ardhura të patatuara.
“Afati i dorëzimit të deklaratës vjetore nuk është më 30 prilli, por për herë të parë do të jetë data 31 marsi 2025.
Nuk ndryshon detyrimi për të gjithë ata individë që për të pakën një muaj kanë qenë të dypunësuar, pra që kanë qenë në dy listë-pagesa të ndryshime në një muaj. Risi e ligjit të ri është edhe fakti që kanë të ardhura mbi 50 mijë lekë të patatuara, duhet të deklarojnë DIVA”, u shpreh Rozana Çelmeta.
Për të gjithë ata persona, të cilët nuk dorëzojnë në kohë formualin e DIVA-s, do të gjobiten gja Drejtoria e Tatimeve me 3 mijë lekë, shtuar këtu interesin dhe kamatëvonesën.
