Trajneri i Real Madridit, Álvaro Arbeloa, ndau një histori me humor për përkushtimin e palodhur të Jude Bellingham, duke pranuar se është habitur nga energjia dhe qëndrueshmëria e mesfushorit anglez.
Në konferencën për shtyp para përballjes vendimtare të Champions League, në ndeshjen e javës së 8-të kundër Benfikës, Arbeloa tregoi se edhe vetëm 48 orë pas një sfide të lodhshme, Bellingham vazhdon të stërvitet me intensitet maksimal.
“Vetëm para pak ditësh, 48 orë pas ndeshjes, iu afrova Bellingham dhe i thashë: ‘Jude, mos vrapo kaq shumë!’”, rrëfeu trajneri me buzëqeshje.
Kreu i stolit “blancos” shtoi gjithashtu se është një nder i madh për të të punojë me një lojtar të atij niveli.
Këtë sezon, Bellingham ka zhvilluar 26 ndeshje në të gjitha garat me Real Madridin, duke shënuar 6 gola dhe dhënë 4 asistime.
Ndeshja Benfica–Real Madrid luhet nesër, më 28 janar, në orën 21:00 (CET).
